Vawiin chawhnu khan Pu K.Lalrohlua, Project Director DRDA kaihhruaina in a office chamber ah Dt 10.8.2018 a National Deworming Day second round hman dan tur rel a ni.

Dr.Lalrinthangi, SMO chuan report pe in National Deworming Day hi Central programme a ni a. Kumtin vawi hnih February leh August thla ah hman thin a ni. Naupang kum 1-19 inkar te hnenah rulhut hlo pek thin a ni a, hemi a nih avang hian Lunglei District chhunga naupang te chu Deworming avang hian an thatpui hle a ni a ti. Kumin February thla khan First Round Government School, private School, Anganwadi Centre leh school kal lo naupang 52,334 ah naupang 51,669 te hnen ah rulhut hlo pek ni in, a pumpui ah 98.7% tuam a ni, a ti.

National Deworming Day second round hi ni 10.8.2018 ah hman leh tur ni in, Lunglei District a Government School, Private School, Anganwadi Centre, Pre-Primary School leh  College hrang hrang 1042 a naupang 50,878 te hnen ah rulhut hlo pek tum a ni. Hemi ni a la hman lo te tan Dt 17.8.2018 ah pek leh tur a ni.

Meeting chuan National Deworming Day Second Round hman dan tur programme duang in Dt.10.8.2018 ah Goverment Leitlangpui Higher Secondary School ah hman tura rel a ni a, chairman ah Pu Lalramthianghlima, DEO, Lunglei District, Khuallian ah Dr.Thani Pachuau, CMO, Lunglei, NDD Presentation Dr.Lalrinthangi, SMO, Vote of thanks Pu R.Robuanga, District Programme Officer, ICDS te ruahman an ni.