MYC Exposure Visit Flag-Off program chu Chairman Office, Mizoram Youth Commission-ah hman a ni a, Pu Joseph Lalhimpuia, Chairman, Mizoram Youth Commission chuan he hun hi a hmanpui a ni.

Pu Mahima chuan India rama Kristiante in unauna leh inpumkhatna tichaktu ni thei tur a he program hi hmang turin thalai hruaitu zin tur te chu a chah a, Exposure program a zin tur te hi fuihna hun leh, hetiang program an kalpui thei hi Pathian remruat a nih thu a sawi a ni. 

Thalai hruaitu te hian India rama Kristian Institution leh hmun pawimawh hrang hrang an tlawh anga, hei hi Zoram thalaite inpumkhatna leh, lungrual taka Zoram thalai te hmasawn nan a thawh hona tha an neih theih nan he program hi ruahman a ni a. Hun lo kal tur atan a hnam leh sakhaw dinhmun thlir chunga Kohhran hrang hrang thalai hruaitute leh Mizoram Youth Commission ten hmalak ho dan tur ruahmanna an siam chu Mizoram Kohhran Hruaitu Committee (MKHC) Executive Meeting chuan tha a tiin lawm taka an rem tih thu te ngaihthlak a ni.

MYC Exposure program ah hian MYC Official pathum leh Mizoram Thalai Kristian Pawl, Territorial Salvation Army Youth, Diocese Catholic Thalai, General PYD (NE), Adventist Youth Ministry, LIKBK TKP leh ECM atangin aiawh mi 15 an tel a, heng aiawh ruat te hian India rama thalaite tana hmun pawimawh hrang hrang  an tlawh dawn a. St. Thomas Mount, Loyola College, United Theological College, Parliament House, leh Serampore College te chu an tlawh tur langsar zual te an ni.  

Pu Rochungnunga, Gen. Secy. CKTP chuan fuihna thuchah sawiin, tawngtaina hun a hman zawh hnu ah, MYC Chairman chuan vai liamna hun a hmang zui a ni.