2021/2024-2025

Khawzawl, dated 12th September, 2024: Vawiin zing dar 11:00 am khan Sialhawk Public Health Centre (PHC) in an centre-ah National Quality Certification an dawm lawmna hun an hmang a, Deputy Govt. Chief Whip leh Tuichang bialtu MLA, Pu W. Chhuanawma chu khuallian niin hun a hmanpui a.

He hunah hian MLA Pu W. Chhuanawma chuan thu sawiin a bial chhunga Sialhawk PHC in National huap meuha damdawiin tha tehnaa an lang pha chu lawmawm a tiin thawktute inpekna leh an thawhrimnate an fakawm a tih thu leh an chhuanawm a tih thu a sawi a. Mipui hriselna enkawltu pawimawh tak an ni tih hre reng chunga taima taka hna thawk zel turin doctor te, nurse te leh staff te a chah bawk a, Sialhawk PHC in an mamawh hrang hrang ngaihtuah dan kawng a zawn tur thu sawiin thil dang thlen an duh hunah biak pawh theih reng a ni tih a sawi bawk.

He hunah hian Dr. Lalramhluna, Sr. Medical Officer chu chairman a ni a, Sialhawk VCP leh Champhai DQM in thu an sawi bawk a. Solo, dance leh item dang chi hrang hrangin hun an hmang bawk a ni.