876/2022-2023

Dated Serchhip, the 11th June, 2022: Tlungvel Higher Secondary School in HSSLC Exam 2021-2022 session a za a za an pass lawmna hun vawiin khan an buatsaih a, he hun hi Deputy Speaker  Er. Lalrinawma chuan khuallian niin a hmanpui.

Er. Lalrinawma chuan, Tlungvel HSS thawktute leh zirlai hlawhtling thar zawng zawngte a lawmpui thu hrilhin, an kal zelna turah duhsakna a hlan a. Zirna pawmawhzia hriaa hma lam pan zel tura fuihin nungchang uluk tur leh zirlai tih atana mawi leh mawi lo thliarhrang thiam turte, tum mumal nei tur leh a ti hlawhtling tura bei sauh sauh turin a fuih a ni. 

Result ṭha lawmna hun hi School Managing board Vice Chairman Pu. V.Lalmuana'n kaihruaiin Pu H. Lalsawmkima, Asst.secretary, Managing Board in report a pe a.  Pu H. Lalhmunliana, VCP leh Managing Board Chairman ni bawk chuan thu a sawi bawk.

Tlungvel Higher Secondary School hian an din tirh ata HSSLC Exam vawi 12 hmachhawn tawhin, 100% pass result hi tum riat an nei tawh a. Za a za an pass loh kum ah pawh 90% ai a sang  pass result an la nei ziah a ni.

Attachment

  • Loading attachment...