875/2022-2023
Siaha; the 11th June, 2022: Vawiin khan YMA Chhimtuipui group leh PHE Department Siaha tangkawpte chuan Siaha khawpui tui lakna Beita lui hnar, Tlapi-ah thingphun beihpui an thlak. He thingphun hnatlang hi Chhimtuipui group YMA te chuan kan hmalawk a YMA Day vawi 78-na lo thleng tur denchhen a an ruahman a ni.

Vawiin hnatlang te hi Pu HC. Biakcheuva, EM i/c Forest MADC chuan Siahatla atanga vailiamin, Siaha khawpui chhunga YMA Branch hrang hrang atangin member engemaw zat an thawk chhuak a ni. Pu HC. Biakcheuva chuan YMA ten kan tui hna tipung tur leh environment siam that nana hma an la chu lawmawm a tih thu leh Mizoram khawpui zinga tui harsatna ni thin Siaha chu kan tan rualna zarah tuiah kan hnianghnar chho leh ta hret hret a,a lawmawm tak zet a ni, tha i thlah lovang u, a ti.Vawiin a kan hna thawh result hi naktuk a lang nghal mai chi a ni lo,nakinah kan tu leh fate tan zel a ni tih i hria ang u, a ti bawk.

Vawiin hnatlangah hian thingtiak 62 phun a ni a,nikum lama MNREGA hmalakna a thingphun bul engemaw zat an sam fai a, a nunglo te thingtiak dangin an thlak bawk.