1967/2024-2025

Dated Kolasib the 9th September, 2024: Vawiin khan Deputy Speaker, Kolasib Bialtu MLA Pu Lalfamkima chuan Kolasib, Venglai East ah Urban Health & Wellness Centre Building sakna tur hmunhma a enfiah.

Urban Health & Wellness Centre building sak tur hmunhma enfiahna ah hian Deputy Speaker Pu Lalfamkima chuan thusawiin Sawrkar lam atangin Venglai East ah hian Urban Health & Wellness Centre dah tumna a awm thu leh He Centre hi Khawtlang mipui ten hriselna kawngah tangkai taka an hman ngei a duh thu a sawi a, a hmunhma pawh tifel tura hmalakna chak taka a kal chu lawmawm a tih thu a sawi a. Health & Welness Centre chu mipui mamawh anih angin khawtlang mipui ten chhawr tangkai ngei se a duh thu leh Centre an neih theih chhan pawh Khawtlang mipuite inlungrualna rahchhuah anih thu a sawi bawk a ni. 

Kolasib ah hian  Urban Health & Wellness Centre hi Private in luah in a function mek a. He Centre ah hian thawktu Medical Officer Pakhat, Health Worker pakhat leh Nurse pakhat theuh an awm mek a, Health Sub Centre anga function tir nghal a ni bawk a ni. 

Vawiin a Urban Health & Welness Centre building sakna tur hmunhma enfiahna hi Deputy Commisioner Pu Robert C Lalhmangaiha, Settlement Officer (SO) Pi Lalvenhimi leh Sr. Chief Medical Officer Dr RK Lalthlamuana bakah Venglai East Khawtlang hruaitu te nena neih a ni a, a tul ang te lo bawhzui turin Khawtlang hruaitu Village Council (VC) leh  CMO Office bakah  Revenue Department te ruat an ni.