Pu John Rotluangliana Deputy Speaker, Mamit Bialtu MLA ni bawk chuan nimin  khan a bialchhung, Mamit leh Bairabi inkar kawngpui hnathawk tha tawk lo nia sawi chu a endik a.

He kawng hi Group thum-ah then niin Group II-na leh III-na a that viau laiin Group I na Mamit hnaih ber chu duhthu a sam loh thu leh helai hmun contractor hian a hna a thawk tha tawk lo nia a hmuh thu sawiin Deputy Speaker chuan an kawng siamdan hi an uluk tawk lo ni a lan thu leh Sub-Grade leh a foundation hi an siam laiin a muk tawk lo ni a lan thu a sawi bawk. Deputy Speaker chuan hetianga hna thawk tha lo hi Sorkarin a duh lova, mipui tana thil tha tur, holam taka thawh hi mipuite tawrhtir na anih avangin helai kawngchhia hi Sorkar chuan a ngai pawimawh hle a ni a ti bawk.

Deputy Speaker Pu John Rotluangliana chuan helai kawngpui hi Mamit District tan mai nilo, Mizoram pum tana kawng pawimawh a ni tiiin kan hmasawnna hnukpui ber kan siam that loh chuan hmasawnna a ti thuanawp thei vek a ni a ti bawk Deputy Speaker chuan kawng tha lo Sorkarin a ngaih pawimawh thu sawiin hmun hrang hrangah kawngpui cheithat hna hi ngawrh taka kalpui a nih thu a sawi a, chutih lai erawh chuan a hna thawh hunin a zirloh avanga hna duh anga thawh that theih a ni lo chu pawi atih thu a sawi bawk.

Deputy Speaker hi PWD hotute khawtlang hruaitute leh thutharthehdarh tuten an tawiawm a ni.

Pu John Rotluangliana Deputy Speaker hovin nimin khan DC Contference Hall Mamit-ah Multi Sectoral Development Project chungchangah Meeting pawimawh tak neih a ni bawk a, he hunah hian concern Department DRDA, EE, PHE, Chief Medical Officer, District Education Officer, DPC SSA, Mision; Mamit District leh Reiek, Zawlnuam leh W. Phaileng CDPO te an tel a ni.