Vawiin khan Deputy Speaker Pu R.Lalrinawma chuan Hoticulture Department buatsaihin NEDP 2017-2018 hnuaia Iskut (Chow Chow) chingtute tan lei tha chi hrang hrang leh hmanrua semna hun Sihphir Twin Market-ah a nei.

Deputy Speaker chuan Horticulture Department Officer-te leh Iskut Growers’ Association te’n hun remchang zawnga programme an lo buatsaih chu lawmawm a ti a. Sihphira Iskut chingtu te tuai thar leh nana hmala tute zawng zawng hnenah lawmthu a sawi bawk a ni.  Iskut thar that leh theih nana thil tul hrang hrangte  te hi pek annih thu a sawi. Thlai thar tha neih nan te, lo neitu te anlo intodelh hi sawrkar thil tum ber leh duh ber a ni tih hriaa, thahnemngai taka thawk turin a ngen a ni.

Sihphir, Sihphir Venghlun leh Neihbawi atangin beneficiaries 172 awmin, a vaia sen hi Rs. 13,93,200/- a ni. Urea, Rock Phosphate, MOP, Neem Kasto, Slaked Lime, Sprayer Titan 16 leh Thinning Scissor te sem tur niin, vawiinah hian Rock Phosphate leh Sprayer Titan 16 sem a ni a, a dangte hi a tahtawla pek chhunzawm tur a ni.

He programme hi Iskut Growers’ Association member, NGO member te leh midang ten an hmanpui.