Nimin January ni 29, 2014 khan Home Minister Pu R.Lalzirliana chuan a bial chhunga awm Tawizo leh Maite khua te a tlawh a. Heng khua ah te hian sawrkar thar lawmna hun khawtlang mipuiten an buatsaih ah a tel nghal a ni.

Sawrkar thar lawmna hun ah hian thusawitu Home Minister chuan sawrkar in Mizoram pum huap inkalpawh na kawng 40 chuang lai cheithat leh siam thar tuma hma a la mek thu a sawi a. A tah tawlin heng kawngte hi laih leh siamthat a ni dawn a, khaw dang kawng laih hmasak tur te zuan khum a dawh khalh tumna awm thin chu thil hawihawm lo a nih mai bak ah zo zia a ni lo a ni a ti a. Sawrkar in hna a thawh mek te leh ruahmanna a siam sa chu tawngkam thiam thil dil a tih buai a tha lo a ni a ti. Maite leh Tawizo khua ten an khaw chhehvel ramngaw humhalh nachang an hria chu an entawn tlak thu a sawi a. Ramngaw te pawh hi a chhung a cheng ramsa leh savate'n an ti nuam zual thin a,nungcha te hram ri tel lo chuan ngaw dur khup mai te pawh hi a reh zo vekin a nuam tak tak thei lo a ni a ti a. Ramngaw leh ramsa humhalh kawngah khaw tual mipuite chu Forest Department rinawm taka thlawp reng turin a chah a ni. Kan ngaw dur tha tak tak mi thil ti thei deuh te leh khawtlang hruaituten thiah an ching thin chu thil lungchhiat thlak a tling a.

Ram ngaw thiat thei nih hi ropuina a ni lova, thil zahthlak tak a ni zawk a ni a ti a.Khawtlang mipuiten heng mite hi lungrual taka an dodal ngam a ngai a ni a ti.

Home Minister hian YMA group conference thleng tur tawizo khawtlang hruaitute hnenah tanpuina Rs 50,000/ a pe bawk a ni.