859/2025-2026

Dated Serchhip, the 16^th June, 2025: Sawrkar laipui chuan mipuite tana hmasawnna scheme hrang hrang a ruahman chu a hmang tur dik takin an hman tangkai theih nan uar thei ang bera puangzar tur leh zirtir turin June 15 atanga June ni 30, 2025 chhung hian ngawrh takin campaign neih a ni dawn.

Serchhip District chhunga khaw thlan bik 23 ah te campaign turin mipuite khawsak chawikan hna development scheme thawktu department hrang hrang aiawhte chu vawiin atang khan an fehchhuak tan ta a. Block Development Officer Dr Malsawmtluanga Fanchun (Serchhip RD Block) leh Dr Peter Malsawmtluanga (East Lungdar RD Block) te kaihhruaiin team 2-a in thenin a tahtawlin nitin ni 15 chhung official te an fehchhuak dawn a ni.

Vawiin hian Serchhip RD Block huam chhunga Chhingchhip leh Hualtu ah te Campaign neih niin naktukah Keitum leh Bungtlangah neih chhunzawm a ni ang a. E. Lungdar RD Block ah pawh vawiin khan Khawlailung leh N. Mualcheng khuaah Campaign neih niin naktukah Lungchhuan ah Campaign chhunzawm a ni dawn a ni.