861/2025-2026

Lunglei, 2025 Nikir thla ni 20: Lunglei District Additional Deputy Commissioner & Competent Authority for Land Acquisition (National Highway 54A & 302) Pi Rochuangkimi Khenglawt chuan June ni 13, 2015 khan a hnuaia mi ang hian hriattirna a chhuah.

"National Highway 54A & 302 (Lunglei to Tlabung) kawng laih zauhna atana The National Highways Act, 1956 hmanga ram lak (acquire) tawhte hi sawrkar laipui kuta hlan a nih tawh avangin sawrkar ram a ni tawh tih kan inhriattir a. Kawng laih tur huam chhung (ROW)-ah hian mimal emaw, vantlang tana hma lakna hrang hrang (in sak, vantlang thil siam, adt.) hi dan kalh tlat a ni a, hma lakna nei lai mek kan awm a nih chuan chhunzawm lo turin kan inhriattir a ni.

Zangnadawmna (compensation) dawng tawhte zingah in leh lo din thar leh mek emaw, la din tur kan awm pawhin kawng laih tur huam chhung (ROW)-ah hma lakna nei lo turin kan inhriattir nawn leh bawk e.

Right of Way (ROW) hi sawrkar ram a nih angin he hriattirna pawisa lova sawrkar ram chhunga hma lakna neite chungah dan angin action lak a ni ang."