Vawiin khan Trainees Union DIET Lunglei te buatsaihin DIET Lunglei in Teachers’ day (5th Sept)chu kum dang zawng aia ropui leh urhsun zawk in an hmang.

He ni ah hian zirlai training zawng zawng ten hnam inchei chi hrang hrangin an in thuam a. Mizo hnam inthuam bakah Lai, Mara, Chakma,Bru ten hnam inthuam famkim nen mahni hnam lam leh zai an entir a ni.Teachers’ Day lawmna hi chawhma 11:00 ah tan in session hnihah thenin nileng in hun an hmang. Chawhma lam hi Trainee ni lai C.Vanlalruata I Year PSTE leh HC. Hmingthansangi II Year PSTYE ten an kaihruai a. Hunserh Zomuankima Middle section in a hmang a, Thuchah Pu Lalnuntluanga Hnamte Principal leh H.Lalzarliana Vice Principal ten an sawi bakah Trainee atangin zaithiam tak tak te an zai a ni. Zirtirtu chawimawina leh thilpek hlanna hun hlimawm tak hman a ni bawk a ni.

Chawhnu lam chu hun hlimawm leh zangkhai zawk a hman niin; hetah hian Mizo bakah Mara, Lai, Chakma , Bru ten an hnam incheina nen an zai a, Section hrang hrangin Special item hlimawm leh hmuhnawm tak tak an entir bawk a ni. Thupui ‘ Government school a zirlai naupang tlemna chhan chu Zirtirtu vang a ni’tih hmangin Primary section leh Middle section ten debate ngaihnawm tak an nei bawk a ni. Teachers’ day ah hian Trainee te ngenna angin Zirtirtu ( Faculty) zawng zawng pawh fancy dress hrang hrangin an in thuam a, zirlai te lawm an hlawh hle a ni. Kumin 2013 hian DIET Lunglei ah hian training bei mek te chu I Year PSTE – 54, Final Year PSTE – 29, Primary Section – 57 leh Middle section -47 niin an vaiin mi 187 an ni.

Diet Lunglei-ah hian mi 57 awmin; Faculty, Principal tiamin thawktu mi 22, Office staff Superintendent tiamin mi 22 leh DIET practicing school ah thawktu Headmaster tiamin 13.