Zirtirtute Ni “Teachers’ Day 2013” chu vawiin chawhma dar 10:00 khan Saiha khawpui chhung School hrang hrang ah ropui leh urhsun taka lawm a ni.

He ni lawmna hi Government Higher Secondary School, Saiha chuan an School tualah Pandal zarin an hmang a, Lalsangzuala Class XII (Arts) zirlai chuan programme kaihruaiin February, Class XII zirlaiin hunserh a hman hnu ah khuallian Pu T. Chatlua, Presdent, MTP Hqrs. Saiha chuan thu sawiin zirlaite chu ruihhlo chi hrang hrang laka fihlim tur leh taimakna, chhelna, huaisenna, tih tak takna leh tumruhna nena an zirlaite zir turin a chah a, thiamna hi mahni ah a innghat a ni, tiin ram leh hnam hmasawnna atana pawimawh ber chu zirna hi a ni a ti bawk. Vawiin a zirlaite hi naktuk mai a ram hruaitu turte in nih avangin thiamna tak tak paw chhuak khawpa in zir a ngai a ni a ti bawk. Zirtirtute chu mithiam bik talented an ni tur a ni tiin thahnem ngai leh taima taka zirlaite zirtir turin a fuih bawk a ni. Khuallian hian Zirtirtute Ni denchhen hian thilpek a hlan nghal bawk a ni. Pu C. Hrangthuama, Principal, GHSS Saiha in thu sawina a neih hnu ah Education Minister hnen atanga thuchah Chatuan Lalremruatfeli, Class XII (Arts) zirlai chuan a chhiar chhuak bawk. Dr. Radha Krishna chanchin B. Lalhriatpuia, Class XII (Sc) chuan chhiar chhuakin zaithiam hrang hrang te zai ngaihthlak a nih bakah thusawi tawi Pu V. Samson, Senior Lecturer, GHSS Saiha hnen atanga ngaihthlak a ni. Malsawmhlua, Class XII (Arts) Secretary, Organising Committee, GHSS, Saiha chuan report pekna a nei bawk a ni.

Teachers Day hi ECM Higher Secondary School te pawhin an School-ah hmangin chawhma inkhawm hi Kelvin T. Beipachhasa chuan a kaihruai a, Rosangliani Hnamte chuan Education Minister hnen atanga thuchah chhiarchhuahna a neih bakah Dr. Radha Krishna chanchin Lalthangzuali Fanchun chuan chhiarchhuahna a nei bawk. Chawhnu inkhawm hi Kelvin T. Beipachhasa chuan kaihruaiin zai leh lam chi hrang hrang hmuhnawm tak tak zirlaite hnen atanga entir a ni bawk.

Don Bosca Higher School ah pawh he ni lawmna hi puithu leh urhsun taka hman a ni a, programme hlimawm tak siamin zai leh lamte a hun hman a nih bakah thusawi tha tak tak te ngaihthlak a ni. Saiha khawpui chhung school hrang hrang ah te he Ni lawm a ni a. Zirlaite chuan Zirtirtute chawimawi nan thilpek chi hrang hrang an hlan bawk a ni.