Mizoram English Medium School Owners Trust (MEMSOT) Sub Hqrs Lunglei buatsaihin vawiin chawhma dar 10:30 khan Thuamluaia Mual-ah Teachers Day ropui taka hman a ni.

Inkhawm hi Pu F.Rohmingliana MEMSOT Lunglei Vice President in a kaihruaia, he huna khuallian Pu Zodintluanga UD & PA Minister chuan thu sawiin, English Medium School a zirtirtute chu sawrkar school a thawk hlawh tam tak la thin te pawhin an entawn tur khawpa naupang te zirtirna kawnga m inpe an ni tiin, nasa zawka tan la zel tur leh naupang te pass tir ringawt nilo thiamna hmantlak tak tak an neih theihna tura thahnem ngai lehzual turin a fuih a, midangte entawn tlak leh chawimawi tlak zirtirtu nih tum theuh turin a chah bawk a ni. Minister hian Zirlai naupangte chu nakina kan ram leh khawtlang hruaitu la ni tur an ni tih tuna ngaihtuah phaklo mahse eng hunah emaw chuan hruaitu pawimawh tak tak, Officer pawimawh tak tak an la ni dawn tih hriaa, rilru nei tak leh taima taka hlawhtling ngei tura zir turin a chah bawk.