Vawiin chawhma dar 11:00 am khan IGNOU Programme Study Centre, DIET Serchhip chuan D.El.Ed(Diploma in Elementary Education) zirlai thar July, 2014 Batch te tan Induction meeting a buatsaih.

Vawiin Induction Meeting hi Programme In-charge Pu R. Lalrinawma’n a kaihruai a, Pu Lalrammawia, Principal, DIET Serchhip chuan thusawina hun hmangin. D.El.Ed zir tharte fuihna thu a sawi a, IGNOU a nih avanga ngaihpawimawh loh leh inthlahdah chu an phal loh tur thu te uar takin a sawi a ni.

Programme In-Chrage pawhin Course Outline sawina hun hmangin a hrilfiah a, IGNOU a lehkhabute chu uluk taka enkawl tur a nih zia leh, lehkhabu tha tak anih hlawm avanga hmang tangkai theuh turin zirlaite a fuih bawk a ni.

IGNOU Programme Study Centre No. 1930, DIET Serchhip hian tun dinhmunah D.EL.Ed ti mek (vawiin a mi te nen hian) 200 nei mek in course dang dang te nen an vaiin zirlai 205 an awm mek a ni. D.El.Ed hi zirtirtu regular a training thei lo te tana a buatsaih niin, Mizoram sorkar leh IGNOU te thawh hona (Memorandum of Collaboration) hnuaiah zirtirtu te training tir thin an ni.