PIC Core Committee meeting, PIB Media Centre-a vawiina thukhawm chuan kum 2014-2015 chhunga sorkar laipui hmalakna puanzar hna - Public Information Campaign (PIC) neih dan tur leh neihna hmun tur te a rel a. PIC tum 4 neih tura rel niin a hnuaia hmun leh hun tarlanah hian neih tum a ni.

1) Mamit District chhunga Tuidam (Main venue), Kawrtethawveng (Satellite Venue) leh Darlak (Satellite Venue)-ah te 29-31 October chhungin

2) Lawngtlai District chhunga Bungtlang S (Main venue), Saibawih (Satellite Venue) leh Hmunnuam (Satellite Venue)-ah te 12-14 November chhungin

3) Lunglei District chhunga Thingsai (Main venue), Cherhlun (Satellite Venue) leh Bualpui (Satellite Venue)-ah te 26-29 November chhungin

4) Champhai District huam chhunga campaign neihna tur hmun leh hun chu ngaituah leh tura dah a ni.

PIC ah hian sorkar laipui hmalakna Pradham Mantri Jan Dhan Yojana (PMJDY), Swachh Bharat/Clean India, Make in India chungchang te mipuite hnena puanzar tur a ni a. PIC hi Press Information Bureau bultumin DFP, DAVP,AIR, DDK ten Mizoram Journalists Association leh Mizoram sorkar nen tangtlanga buatsaih tur a ni.