4325/2024-2025

Dated Kolasib the 18th February 2025: Vawiin tlai khan Pu C.Lalthanmawia, IPS, DIG, Northern Range, ni hnih thanga Kolasib District tlawh mek chuan Kolasib SP office a tlawh a. He hunah hian Kolasib a Police-te nen inkawmkhawmna neiin fuihna thuchah a sawi a, hemi hnu hian MJA Kolasib te nen, Kolasib SP Pu David H Lalthangliana hovin SP Office Chamber ah inkawmna hun an hmang bawk a ni.

Pu C.Lalthanmawia, DIG Northern Range chuan Police kalkhawmte hnenah chuan ram leh hnam hmangaihna rilru pu a hnathawh a pawimawh zia a sawi a. An hnathawhna hmun theuh ah an eizawnna a nih vang ringawt a thawk lova ram hmangaihna rilru pu a thahnemngai lehzual turin a chah a ni.

Pu C.Lalthanmawia chuan Kolasib MJA te nena an inkawmhona ah hian dan kenkawh na lama tan lak a ngaih zia thu a tarlang a. Kolasib District chu a bik takin ramri a awm anih avangin fimkhur leh uluk lehzuala kal angai a, chumi atan chuan Police-te hmanrua pawh thawmthat ve zel a pawimawh takzet a ni, a ti. Police indaihlohna chu mizoram hmun tinah a awm a, hemi avang hian  khawtlang leh tlawmngaipawl te nen pawh thawhhona tha neih a pawimawh a ni, a ti bawk.

Mizoram Northern Range DIG hian tun tuma kolasib a tlawh hian Bairabi leh Zophai check gate-te pawh tlawh in venhimna kalpui a nih dan te a hmunah a enfiah a. Heng laia Police Duty te hian an harstna leh an mamawhte an lo thlen a. Hemi bakah hian Kolasib SP Office a inhmuhkhawmna ah Police indaihlohna chungchang leh hmeichhe Police mamawh belh a nih dan chungchang te DIG hnenah hian thlen a ni.

DIG Northern range chhungah hian District pathum, Aizawl, Mamit leh Kolasib te an awm a. Pu C Lalthanmawia,DIG hian Vawiin a Kolasib District a tlawh hma hian Mamit District a tlawh tawh bawk a ni.