456/2024-2025

LUNGLEI; the 10th May, 2024: Vawiin chawhnu 12:30 khan  DIG (SR), Pu C. Lalthanmawia (IPS) chuan a office chamber-ah Lunglei Sub-Headquarters YMA hruaitu te lengah sawmin inkawmhona neih a ni.

He inkawmhonaah hian DIG (SR) chuan YMA te chu khawtlangah dinhmun pawimawh tak chelh an nih thu leh Mizo mipui sukthlek a tha zawng a kaihruai theitu an nih thu sawiin; thawhpuiah a sawm. Zu, ruihhlo leh a kaihhnawih sual pung zel chungchangah  YMA leh police te chu thawk dun a, nasa leh zual a do dan tur te an sawiho. DIG (SR) chuan Sub-Headquarters, Lunglei, YMA hotute chu an hnuaia awm YMA branch hrang hrang te hnenah sual do kawng a infuihtharna leh inzirtirna uar thar leh tur pawhin a sawm bawk.

Hemi bakah hian DIG(SR) chuan engemaw lai atang khan puakthei thil (Geletin/detonator)te dan phal lova kawl man sak an awm ta zauh zauh a, police case siamsak an awm tak nual thu a sawi a. Heng te hi construction/quarry a hman atana license nei te hnen atanga lei chhawn nia a lan thu a sawi. Silai leh a mu, puakthei thil (explosives) te hi dan hnuaiah license nei te chauhin kawl leh hmanna tur bik atan chauha hman theih a ni a, sumdawn nan a hman phal an nih loh thu DIG(SR) chuan a sawi thar lehin, hemi chungchangah bik hian Sub-Headquarters YMA hruaitute chu Branch tinah lo puangzar turin a ngen bawk a ni.