455/2024-2025
Khawzawl,10th May, 2024: Khawzawl District AH&Vety Officer Dr. Lalbiakzuala Sailo chuan Tualte khua chu African Swine Fever lenna ‘Infected Area’ ah a puang.
Khawzawl District Tualte khuaah vawk engemawzat a thi tawh a, heng vawk thih chhan hi provisional test result atangin African Swine Fever (ASF) a ni tih finfiah a ni tawh a.
Chuvangin, kei Dr. LALBIAKZUALA SAILO, District A.H. & Vety. Officer, Khawzawl District chuan “ The Prevention & Control of Infectious and Contagious Diseases in Animal Act, 2009, Section 20, sub-Section I” in thuneihna min pek angin, vawiin ni 10.5.2024 atang hian thu leh awm hma chu Tualte khua hi African Swine Fever lenna INFECTED AREA ah ka puang e.
Tualte khuaah hian hengte hi zawm ngei tur a ni :-
1) Infected Area atanga vawk, vawksa leh vawksa atanga thil siam reng reng phurh chhuah emaw, lakluh khap tlat a ni.
2) Vawk thi reng reng paih mai lova thuk takah chinai nen phum ngei ngei tur a ni.
3) Vawk hralh emaw, talh emaw khap tlat a ni.
4) Vawk thi an awm in A.H. & Vety. Department, Khawzawl hnathawk te hnenah hriattir vat tur a ni.
Tualte infected area order.pdf
