Police thawkte hriselna dinhmun endik tura DIG thupek chhuah angin Champhai District-a Police-te chuan vawiin khan Champhai District Civil Hospital-ah medical-check up an nei tan.

District Hospital-a thawkte chuan police te hi kawng hrang hrangah an hriselna a tha em tih an endik a, hriselna lama an that tawk lohnaa inenkawl dan turte pawh hrilhhriat zel an ni. He medical check up hi khawtlang himna atana thawktu police ten tha zawka hna an thawh theihna tura tih a ni a. Hriselna tha zawk an neih a, engtiklai pawhin a tul huna mipui leh khawtlang tana an thawh chhuah theihna a nih beiseia kalpui a ni.

Medical check up hi Champhai district-a police zawng zawngte tan neih vek tur ni a. Ni khatah mi 15 zel enfiah an ni dawn a ni.