Vawiin khan DIPRO Pi K.Laldingliani leh a staff te chuan DIPRO Office Chamber-ah Champhai-a chanchinthar lakhawmtute Half Yearly Meet a neihpui a, he hunah hian an ngaimawh thil hrang hrangte an sawiho. He hun kaihruaitu Pi K.Laldingliani chuan a sawmna ngaipawimawha thuthar lakhawmtu kalkhawmte chu lawmthu hrilhin, Champhai district chhunga thuthar lakkhawm leh thehdarh kawnga thawhhona tha tak an neih thin avanga lawmthu sawiin, hun lokal zelah pawh thawhhona tha an neih chu chhunzawm zel a a duh thu a sawi bawk.

Sorkar hmalakna pawimawh tak NLUP chungchangsawipuiin DIPRO chuan Champhai District chhunga NLUP hmalakna fangkual tura ruahmanna a siam thu a sawi a, hemi chungchang leh a hlawhtlinna te mipui hriata puan zar pui tura media te chu sawmin District NLUP Cell ten programme an siam hunah tlawhkual tura lo in peih ve tur in a sawm nghal bawk a ni.

He huna thuthar lakhawmtute kalkhawmte chuan tunlai hunah print leh electronic media thang chho zelah hmasawnna tam tak hmuh theiha a awm chu lawmawm an tih thu an sawi a. Mipui lam pawhin media te lakah hian beiseina kan nei sang tawh hle a. Hei bakah hian pawl leh sorkar department ten programme/function an neiha media te hrilh hmasak hian an thu leh hla puangzar a awlsam zawk thin a ni.

He hunah hian district chhung leh pawn lama thuthar thehdarh kawngah Internet that tawk loh avanga Champhai lam chanchinthar lang tam thin lo pawh an duh vang reng ni lova inbiakpawhna lam harsatna avanga awm thin anih thu te an tarlang bawk.