Vawiin chhun dar 12:00 khan I&PR Conference Hall, Siaha-ah Pu Joseph Lalthankima, 2nd Bn. MAP, Siaha chu DIPRO Office leh Council Vaih J.V.A.C leh V.C ten chawimawina an nei.

Pu Joseph Lalthankima, 2nd Bn. MAP, Siaha chawimawina hun hman a nih chhan hi August, 13,2016 zing dar 2:00 Am-a DIPRO’s Office rawktu luhchilh a a man chhuah vangin, amah chawimawina (Appreciation) inkhawm tawi hi DIPRO leh Staff te chuan an buatsaih a.

He hun hi Pu N. Vabeiratlua, DIPRO, Siaha chuan kaihruaiin Programme buatsaih a nih chhan a sawifiah a. Pu H. Sabi, Stringer, DDK chuan hunserh a hman hnu-ah Pu Joseph Lalthankima, 2nd Bn. MAP chuan tahrik Ni 13.8.2016 zana DIPRO’s Office, Siaha rawktu a man chhuah dan Report tawi pe in, Bible chang “Tih borala ka awm lo hi Lalpa zahngaihna a ni” tih chang sawilangin Pathian venna leh kaihhruaina a dawn chungchangah lawmthu a sawi bawk.

He hunah hian Pu Francis L. Ralte, Additional Superintendent of Police, Siaha chuan thu sawiin, Joseph-an a nunna thapa a thil tih hi chawimawi a phu a, a hnathawh hi khawtlang leh Police Department tan pawh inchhuanna tham a ni a ti a. Mizoram puma chawimawina pawh dawng thei tura hmalak mek a ni thu a sawilang bawk. Joseph-an rukru a man Roshan-a hi Case pathum IPC Section 457, 380 leh 511 hmanga hrem mek a ni thu a sawi bawk. A thawhna 2nd Bn.MAP a Post Commander, Pu H. Kaphranga pawhin thu sawina neiin ,Joseph-a hnathawh leh a thil tih avanga Police in chawimawina huaisen lawmman kan dawng hi a ropui hle a, vawiin hi Ni chhinchhiahtlak a ni a ti bawk. Pu S. Vahro, Chaiman, JVAC, Council Vaih pawhin thu sawiin a tha zawnga Council vaih hming a lo lang hi lawmawm kan ti a, Joseph-an a nunna thapa misual (Rukru) a man hi kan chawimawi chhan a ni a ti bawk.

He chawimawina hunah hian Pu C. Liansanga, Vice President, Council vaih VC pawhin thu sawiin Pu Joseph Lalthankima, 2nd Bn. MAP huaisenna leh tlawmngaihna chawimawi tura lo kal khawm te chungah lawmthu sawiin, a thil tih chu midangte tan entawntlak a ni a ti.

He hunah hian Pu CZ. Hluna, Vice President, MJA, Siaha District pawhin MJA Siaha District aiawhin thu sawina hun a hmang bawk. Pu Joseph Lalthankima, 2nd Bn. MAP hi DIPRO’s Office leh Council Vaih JVAC leh VC te chuan chawimawina thuziak (Citation) an hlan a ni.