No.3296/2019-2020

1. COVID-19 DARH ZEL TUR VEN NAN AIZAWL MUNICIPAL AREA HUAMCHHUNGAH CURFEW PUANG

Aizawl Bawrhsap Pu Vanlalngaihsaka chuan COVID-19 hrileng laka mipui kan him tlanna turin March ni 25, 2020 zan dar 9:00 atang khan tiamchin awm lovin Aizawl Municipal Area huamchhungah curfew a puang.

Section 144 CIPC (Act 2 of 1974) leh Regulation 11 "The Mizoram Epidemic Diseases (COVID-19) Regulations, 2020" in thuneihna a pek tlawhchhana curfew hi puang a ni.

Curfew in a huamloh te : 

1) State Level Task Force on COVID -19 Member-te

2)District Level Task Force on COVID-19 Member-te

3)Local Level Task Force on COVID-19 Member-te

4)COVID-19 do kawnga Sawrkarin hma la tura a ruat bikte

5)Sawrkar hnathawk essential commodity leh service khawih tura thawk chhuakte

6)Army, BSF, CRPF, Assam Rifles leh BRTF duty

7)Magistrate leh Police duty

8)Hospitala thawk zawng zawng

9)PHE tui sem leh tui phur

10)Chanchinbumi accreditation nei leh electronic media cameramen leh reporter te

11)AMC hnuaia bawlhhlawh paih motor

12)Petrol pump leh LPG semchhuaktu

13)Essential commodity semtu

14)Bawnghnute sem

15) District Magistrate leh Sub-Divisional Magistrate in phalna a pekte

1. EMERGENCY CONTACT NUMBER

1. SAWRKARIN APRIL THLA QUOTA RATION BUHFAI MI HARSATE HNENAH A THLAWNIN A SEM DAWN

April, 2020 thla atan Food, Civil Supplies and Consumer Affairs chuan heng a hnuaia Supply Ration Card neitute hnenah ration buhfai FPS Retailer te kaltlangin a thlawnin a sem dawn. Free ration semna tur order hi FCS&CA chuan nimin March ni 25, 2020 khan a tichhuak a ni.

A thlawna ration buhfai dawng tur te chu:-

a)Labour & Employment Department, Govt. of Mizoram hnuaia Building and Other Construction Workers Welfare Board-a in register member-ten an registered card leh ration card (eng ration card pawh) kengin free ration an la thei ang.

b)AAY leh PHH beneficiaries zawng zawng.

c)Heng mite bakah hian mi harsa chhuanchham mai tur ni a Local/Village Level Task Force ten an hriatte chu Chairman/Secretary hriatpuina lehkha (signature leh seal Chuang ngei) leh an ration card (eng ration card pawh) kengin free ration an la thei ang.

Supply Retailer ten Ration Buhfai man hi DCSO/ Supply Centre atangin a dan pangngai anga pre payment basis Deposit hmasak phawt tur a ni a, chumi hnuah DCSO/Supply Centre ten Delivery Order issue tur a ni. Supply Retailer te hi FCS&CA Department atangin a tul dan anga rulh let (reimburse) sak leh an ni ang. 

1. LUNGLEIAH COVID-19 CHUNGCHANGAH DISTRICT LEVEL TASK COMMITTEE AN THUKHAWM

    Tunlaia Novel Coronavirus (COVID-19) hri leng mek chungchang leh India Prime     Minister-in March ni 25 - April ni 14, 2020 thleng (ni 21 chhung) ram puma inkharkhip (complete lockdown) a puan bawhzui dan tur leh mipuite'n harsatna an tawh loh nana hma lak dan tur ngaihtuahin nimin tlai khan Lunglei District Task Force on Covid-19 chu an Chairman, Lunglei DC Pu R.Vanrengpuia kaihhruaiin DC Conference Hall-ah an thukhawm.

He inkharkhip hi tha taka zawm a nih theih nan mawhphurtu hrang hrang insiam a ni a. Lunglei District huam chhunga khua leh Veng hrang hrang Village Level Task Force leh volunteer te chhun zan zawma duty hna an thawh chungchangah member kal khawmte chuan lawm thu sawiin, he an hna thawh hi chhunzawm zel tura beisei an ni a.  

Hemi chhung hian mipuiin ei leh bar leh an nitin mamawh an tlakchham loh nan ruahmanna siam a ni a. Mipui mimir chhuakvak lova VLTF kaltlanga eibar lakkhawm dan kawng dap theih ni se tih Committee chuan a rel a. Hemi chungchangah hian VLTF-te chu hma lo la a, hetianga mipui chhuak vak lova eibar thil mamawhte lak khawm leh pek dan kawng remchang ngaihtuah turin ngen an ni a. Branch YMA tinte pawhin VLTF hmalakna hi anlo tawiawm theihnan Sub Hqrs YMA pawh ngen ni se tih a ni. Mipui mimir chhuakvak lova VLTF te kaltlanga eibar lak khawm leh in pek ala remchan hma emaw, ruahmanna dang a awm hma pawhin dawrah te inhnawh lo leh metre khat (1) tala in din hlata thil lei turin DLTF chuan mipuite a hriattir a ni.

He inkharkhip chhung hian ei leh bar leh hriselna lam bakah, tui, kawlphetha, inbiak pawhna leh mipui mamawh zualpui dangte tlakchham a awm loh nan a kaihhnawih department te chu theih tawp chhuah tura ngen an ni a. Mipuite pawh anmahni leh ram himna tur a ni tih hriaa ina inkhung tur leh thuneitute'n fimkhurna tur hrang hrang an duante zawm a, sawrkar leh tualchhunga hma latute thu chhuak ngaichang thiam turin District Task Force on COVID-19 chuan a ngen a ni.

1. COVID-19 LUNGLEI DISTRICT CONTROL ROOM NUMBER-TE

A hnuaia tarlan ang hian Lunglei District Level Task Force on Covid-19 chuan District Control Room pahnih a ruat a. Heng number te hi engtik lai pawhin biak pawh theih an ni e.

1. Medical Control Room                                         - 6033151202/7629072340
2. Administration & Logistic Matter                    - 7641841447/9485129074

1. CHAMPHAI DISTRICT COVID-19 REPORT

CHAMPHAI DISTRICT: No. of Home Quarantine (as on 26.3.2020 8:11Am)

• Report hnuhnung berah mi 1103 screening tih tawh a ni.

1. MAMIT DISTRICT CHHUNGA COVID – 19 HRILENG MEK AVANGA HOME QUARANTINE DINHMUN

Novel Coronavirus (COVID–19) hrileng mek avanga, fimkhur thilthu-a Mamit District chhunga Home Quarantine tura tih chu ahnuai a mi ang hi a ni.