Disaster & Management Department chuan vawiin khan Hyve Hall, Zodin Square ah an hnathawh thlirletna leh inhlan tharna hun an hmang a, DM&R Minister Pu Lalchamliana’n a hmanpui.

Minister chuan kumthar atana duhsakna hlanin department officer leh staff te chu sorkar leh mipui ten tangkai taka an chhawr theih nan thawhhona tha tak vawng zel turin a chah a, mahni thawhchhuah ni lo sum it lova lungawi tak leh rinawm taka mahni hna theuh thawk thin turin a ngen bawk. Ram leh hnam tana chhawr nahawm ni turin Dan hriat a pawimawh tiin chumi lama tan la zel turin a fuih bawk.

Department hnathawh thlirletna leh inhlantharna hun hi Pi Ramdinliani, Joint Secretary, DMR-in a kaihruai a, Director Pu Lalnunhlua leh midang atangin thusawi ngaihthlak a ni bawk.