Art & Culture Department Mizoram leh North East Zone Cultural Centre (NEZCC), Dimapur tangkawp te Discover North East Discover NE India(Cultural Meet) an neih mekah nimin chhun khan Vairengte Field No II (Joint YMA Playground) ah neih leh a ni a, Major General MA Ghura VSM, Commandant CIJW School Vairengte chu khuallian a ni.

Discover North East Mizoram Programme hi SDO(C) Vairengte Dr Arun T, IAS chuan kaihruaiin, India ram chu hnam ze hrang hrang awm khawm kan ni a, kan hnam tihdan phung leh nundan phung te, kan chawi lar theih nana hetiang programme NEZCC ten an buatsaih chu lawmawm a tih thu a sawi.

Khuallian chuan Art & Cultural Department Mizoram in he hun hmang thei tura a ruat chu lawmawm a tih thu a sawi a, hetiang a Northeast State zawng zawng te puala Cultural Pogramme buatsaih a ni hi Indian Army te pawhin an thlawp thu sawiin, mipuite inpumkhatna leh ram hmangaih tura mipuite zirtir chu an thlawp reng thu a sawi. He programme hi Northeast mipuite ah inpumkhatna thlen se a duh thu a sawi bawk.

Art & Cultural Department atangin Pu F.Lalthanmawia Programme Coordinator leh Archivist ni bawk chuan lawmthu sawiin, Northeast leh state dang atanga Cultural Item nei tura kal zawng zawng te chungah lawmthu a sawi a ni.

He hunah huan State hrang hrang atanga lokal ten anmahni hnam lam theuh an entir a, Mizoram state aiawhin, Mizo Cultural Club, Vairengte ten Buhzaai (Cheraw) an entir ve bawk a ni.