Vawiin chawhma dar 11:00 khan Discover North East Yatra, North East Zone Cultural Centre leh Art & Culture Department Mizoram tangkawp buatsaih chu Saikuti Hall, Lunglei ah kharna neih a ni.

Pu R.K Lalawmpuia, Reasearch Investigator, Art & Culture dept. chuan inkhawm kaihruaiin, Khuallian Pu Sanghlira Colbert, President, MUP Hqrs. Lunglei chuan thusawiin vawiin ni a khuallian atana an sawm chu lawmawm a tih thu sawiin, hetiang programme North east mi te tana inpumkhat leh inunau na tura buatsaih a ni chu lawmawm a tih thu a sawi bawk. North east mite hi kan inpumkhat a kan tanrual a ngai a, nakin a India gate way pakhat kan ni dawn a chuvang chuan Central Govt. pawh in min ngaihsak a, northeast mite tan bik hmasawnna kan neih theih nan Look East Policy te min duan sak a, chuvang chuan Northeast mite hi lungrual tak in hmasawn i tum zel ang u ati a ni. India ram hmun dang entawn tlak ni turin tan ila thar zel ang a ti bawk. Pathian thu in a sawi ang in inhmangaih tlang takin ke i pen rual ang u a ti.

Discover North East yantra ah hian Mizoram state pawn atangin Jammu & Kashmir, Nagaland leh Assam atang te in an lo kal a, Mizoram chhung atangin MCO Troupe Lunglei, MCo Troupe Vanhne leh MCO Troupe Hauruang te an tel a ni. He cultural programme hi Vanhne leh Hauruang ah te hman a ni bawk. India hmarchhaka state pariat te hi NEZCC member-state niin Zonal Centre chu Dimapur, Nagaland a ni a, NEZCC hian India hmarchhak leh India ram hmun hrang hrangah kumtin programme a ruahman thin a, tuna Discover North East Yatra pawh hi India state hrang hrangte inpumkhat leh in unau nan buatsaih a ni.

Pu Gen Khan Do, SRO, Lunglei chuan vote of thanks sawiin, he kharna inkhawm ah hian Jammu & Kashmir cultural troupe, Nagaland Cultural troupe, Assam Cultural troupe, MCO troupe Lunglei leh MCO performing troupe ten hnam lam an entir a ni.