No.6693/2020-2021
Mamit 27th November, 2020 : Vawiin khan DC Conference Hall, Mamit-ah District Advisory Committee on Youth Programme chu an Chairman Dr. Lalrozama, IAS  District Bawrhsap hovin thutkhawm a ni.

Chairman Dr. Lalrozama chuan Mamit District thalaite hmasawnna tura NYK hmalakna chu fakawm a tih thu sawiin, ram hmasawnna tura thalaite rilru chher hriam leh an thiam thil bik hmanga eizawnna kawng in zawn sak chu thil pawimawh tak a nih thu a sawi a. District NYK hmalakna hrang hrang tawiawm tur leh thawhpui tura a in hawn reng thu a sawi bawk.

Vawiin meeting-ah hian NYK Core Programmes Action Plan 2020 - 2021 sawiho niin pawm a ni a. NYK-in Covid-19 dona kawnga an hmalaknate meeting-ah hian tarlan a ni. NYK chu tlawmngaia Volunteer-a thawk thin an nih angin thingphun hnatlangte pawh a tam thei ang ber neih thin nise tih a ni a. An thingphunah hian thingsatliah phun mai lo-in morinja (thing behlawi/daltam) a tam thei ang ber phun nise tih a ni. Morinja hnah leh arah te hi mihring hriselna leh thanna lama puitu chawtha a nih avangin  mipui hnenah a tam thei ang  ber ei tura inzirtir nise tih a ni bawk.

Vantlang thei huan siam tura NYK ruahmanna siam chu meeting hian tha a ti a, Mamit District LAD Park-ah thei hrang hrang a tam thei ang ber Park tlawhtute'n  an ei theihnan NYK Volunteer te'n phun nise tih a ni. 

Pi Laldampuii, District Youth Co-ordinator, NYK chuan Mamit District chhungah NYK hnuaia in register Youth Club - 89 ( sawmriat pakua) an awm thu tarlangin Mamit khawpui chhung bikah Youth Club hi 6 ( paruk) an awm thu a tarlang bawk. Youth Club pakhatah hian member 10 (sawm) awm tura tih a ni a, Club Members te an pun zel theihnan NYK hotute'n tan lo la se tih a ni bawk. 

Meeting-ah hian members te an tel tha hle a ni.

Attachment

  • Loading attachment...