4309/2024-2025

AIZAWL, the 18^th February, 2025: Vawiin chawhma dar 10:00 khan Aizawl DC conference Hall-ah District Agricultural Marketing Committee (DAMC), Aizawl District member te chuan an Chairman leh District bawrhsap ni bawk Er.Lalhriatpuia IAS kaihruaina hnuaiah  meeting an nei a.

Meeting chuan notified crops lei turin Local Purchase Advisory Board din a rem ti a, Chairman atan District Bawrhsap leh Member Secretary atan DAO, Aizawl District bakah member dang te a ruat nghal bawk.Sawhthing chingtute hman tur 40Kg dawng Ip (Mesh Bag) a thlawna sem dan tur leh a kaihhnawih thil rel nghal a ni.Secondary Collection Centre a supervisor-te leh Co-ordinator-te hnathawh ho dan tur chungchang te pawh rel a ni. Heng bakah hian Kuthnathawktute sawhthing hralhna man an Bank Account theuh a thun dan tur chungchang te, Secondary Collection Centre a power supply dinhmun chungchang  te leh Notified crops lei leh hralh dan thlir ho tur a weekly review meeting neih chungchang te khunkhan taka rel ho a ni bawk.

DAMC meeting neih zawhah hian Aizawl DC Er.Lalhriatpuia IAS, kaihruaina hnuaiah vek District  Level Committee of Innovation Challenge under the  CM’s Banna Kaih  Innovative Challenge, Aizawl District  chuan meeting neih zui ngha a ni.