4308/2024-2025

Khawzawl, dated 18th February 2025: Vawiin chawhma dar 11:00 khan KVK Khawzawl leh SIRD Thingsulthliah te tang kawp chuan Neihdawn khuaa Upa pawl runah Tomato chingtu mi 63 te hnenah Tomato sawngbawl dan (Processing of Tomato) zirtirna an buatsaih.

He hun hi Dr. Malsawmkimi, Senior Scientist & Head, KVK Khawzawl chuan kaihruaiin Pi Zonunsangi, Master Resource Person leh Pu R. Vanlalmuanpuia, Faculty SIRD te chuan an hmanpui a, Tomato chingtuten tun aia hmasawn leh hlawk zawka an Tomato tharchhuah te hralh chhuah a nih theih nan a sawngbawl dan chi hrang hrang te sawiin chumi atana KVK Khawzawl te nena tangkawpa he hun hi buatsaih anih thu an sawi a. Training ah hian Pi Lalhruaitluangi, Program Assistant (Home Sc.) KVK chuan zirtirna a pe ani.

Neihdawn khuaah hian in 140 vel awmin, Tomato Grower Society-ah hian member 111 an in ziak lut a, Kum 2024 khan Tomato Quintal 2500 lai an thar chhuak bawk. KVK Khawzawl te hian Neihdawn khua mai bakah District chhunga Tomato chingtu khua engemawzat hnenah Tomato chi hi NEH Scheme hnuai atangin an pe chhuak thin a, zirtirna an kalpui zel bawk ani.