4307/2024-2025

Lunglei, 2025 Ramtuk thla ni 18: Vawiin chawhma dar 10 khan Lunglei Superintendent of Police (SP) Office-a Police Computer Training Centre-ah hawn a nih hnua a hmasa ber atan training ṭan a ni a. Lunglei SP Pu J. Lalmuankima chuan training hawnna hun a hmanpui.

He training hi ni thum awh tur niin, thupuiah "Training on Essential IT & Cybersecurity Fundamental with Emerging Technology" tih hmangin Southern Range Unit - Lunglei DEF, Lawngtlai DEF, Siaha DEF, Hnahthial DEF, 2nd Bn MAP leh 3rd IR Bn aṭanga kal khawm mi 17 te hnenah training pek an ni ang.

Training hi NIELIT Lunglei lam hotute nena ruahman niin, faculty leh thil ṭul zawng zawng hi NIELIT Lunglei te'n an buaipui vek dawn a. Training hi batch dang pawh buatsaih zel tur niin, police bakah department dang aṭanga tel duhte tan pawh training hi buatsaih zel tura ruahman a ni.