Kolasib District chhunga HIV/AIDS chungchanga hmalakna leh hmachhawp te sawihovin vawiin khan District Aids Prevention and Control Committee chu Pu R. Lalremsanga, Addl. DC hovin DC Conference Hall-ah an thukhawm.

Kum kallai mekah Kolasib District Aids Prevention and Control Unit hmalakna in HIV/AIDS chungchanga inzirtirna School 11 leh Village Council 12-ah neih tawh a ni a, Help Desk 6 siam niin, Link Worker Scheme pawh kalpui mek zel a ni.

January - September, 2016 chhunga Kolasib District-a thisen test zat hi 5017 niin heng zinga 1950 chu naupai an ni a. Thisen Test atang hian mi 180-in HIV+ an ni tih hmuchhuah niin, chung zinga 12 chu naupai an ni.

Vawiin meeting-ah hian HIV/AIDS chungchanga inzirtirna mipui nawlpui huap zawnga neih tam a tul zia sawi lan niin, hemi atan hian ruahmanna tha zawk siam nise an ti a. Khawtlang hruaitu leh Tlawmngai Pawl te nen thawkhona tha zawk nen hmalak nise an ti bawk.

Attachment

  • Loading attachment...