Vawiin chawhma dar 11:00 ah tanin DC Office Chamber ah District AIDS Prevention & Control Committee Meeting pawimawh tak neih a ni. He meeting hi Pu Lalchungnunga, Addl. DC in a kaihruai a ni.

He meeting hi Dr. Lalramliana, District, AIDS Control Officer in a hawng a, Dr. Lalmalsawmi Sailo, Project Director, MSACS in AIDS in a Mizoram a run nasat zia leh tun ang renga kan kala kan fimkhur hle loh chuan natna thunun theih loh Mizo mipuite suat theitu natna hlauhawm tak a ni thuai thei a, chuvangin mitinte kan tan ho a he natna hi keimahni hmazawn theuh ah do a ngai a ni, a ti.

Dr. Lalchhuansanga Pachuau, District Programme Manager, DAPCU in power point presentation in member te hnenah he natna chungchang sawifiahna a nei a ni. Tun dinhmunah  Aizawl District bikah HIV hrikpai mi 6209 awm mek in mi 2803 velin inenkawlna an la mek a ni, a ti. He natna darh chhan berah chuan mipat hmeichhiatna hman khawloh vang te, inchiuna hman tawm vang te, pem nei chunga HIV vei bawihsawmna vang leh  naupai lai in a HIV a kai a vangte ni a hriat a ni.

He thilah hian Mizoram mipuite kan him theih nan NGO te, Kohhran leh Pawl anga thawkho a mitinte  tangho turin MSACS leh Committee chuan a ngen a ni.