Vawiin chawhma dar 11:00 khan Saiha Division hnuaia Horticulture Department te chuan D.C. Conference Hall, Saiha-ah Saiha District chhung khaw hrang hrang-a NLUP hmute hnenah 2nd Phase Final Installment an sem.

NLUP semna inkhawm hi Pu C.H. Lalmuanpuia, D.H.O. Saiha Division Saiha chuan a kaihruai a, Upa J. Zalawma, Head Assistant, D.F.O. Office, Saiha chuan hunserh a hman hnu ah NLUP chungchanga report tawi Pu C.Ramrela, H.E.O., Saiha/Tuipang Circle in a neih hnu ah Khuallian Pu N.Chakhai, Addl. Deputy Commissioner, Saiha District, Saiha chuan thu sawiin Saiha District hi tan an lak nasat a ngai a ni tiin huan thlai chi hrang hrang chin hi a hlawk a, Balhla leh Serthlum chin te pawh a hlawk a, a hralhna ah buaina a awmlo a ni tiin tam lutuk a ching lo pawhin an enkawl theih tawk ching thin turin kalkhawmte chu a chah a, kan rama Serthlum Tam thin te pawh mithiam te rawn a uluk taka enkawl turin a chah bawk. Tih tak takna nena thei leh huanthlai siam tan chuan hlawhtlinna a awm a ni a ti bawk. NLUP semna ah hian Rs 69,40,48.00 sem  a ni a. Khuallian in NLUP a sem zawh hnu ah Pu T.Vanupa, HEO (Hqrs) Saiha Division chuan lawmthu sawina a neiin he NLUP semna programme hi tihtawp a ni.

 

Attachment

  • Loading attachment...