District Aids Prevention Control Committee Mamit District chu vawiin khan Pu V. Lalremthanga District Bawrhsap, Chairman DAPCC ni bawk kaihhruaina-in a office chamber-ah an thukhawm.
He thutkhawmna hunah hian Pu V. Lalremthanga DC, Chairman ni bawk chuan Mamit District hi Aids lakah kan him bik loh zia tarlangin theihtawpa a invenna lamah tan kan lak a tul a, hemi tihlawhtling tur hian District Level Committee members te hian ngaihtuahna kan sen a tul ta hle a ni a ti bawk.
He thutkhawmna-ah hian Dr R.E James DMS Member Secretary in reports pe-in District Aids Prevention Control Committee hi Multi Media lama hma la tur chauhva din a nih thu a sawi a ni.
Pi Lalchuangpuii Councellor, ICTC Mamit-in HIV+ve dinhmun report pe-in July 2003-October 2012 ( 9 years) chhungin thisen test zawng zawng mi 5873 niin mipa 4156 leh hmeichhia 1618 an ni a. HIV+ve 79 awmin mipa 54 leh hmeichhia 25 an ni.
He meeting-ah hian Aids dona atan District chhungah Block-wise in Volley Ball Tournament buatsaih ni se, Final hi District Hqrs ah khel tura ruahman niin, Lo buaipui turin Sub- Committeee siam nghal a ni bawk.
He meeting-ah hian DAPCC members te an tel tha hle a ni
