Vawiin chawhma dar 11 : 00 khan District Bawrhsap Pu R.Zarzosanga hovin D.C’s Conference Hall Saiha-ah Department hrang hrang hotuten meeting an nei.

District Bawrhsap chuan meeting neih chhan sawiin helai ah mithar anih thu leh Saiha District a Department hrang hrang hotute nen inpawhtlang taka hna an thawh a duh thu a sawi a, he meeting ah hian NLUP Line Department hrang hrangte chuan NLUP an sem tawh zat leh sem an hmabak te report pe in Agriculture Department chuan Ist Phase an sem zo tawh a, DIC pawhin 2nd Phase sem zo tawh in NLUP a an hlawhtlinna ber chu Auto Rickshaw a nih thu report an pe bawk. Sericulture Department pawh in 1st Phase pawisa te an sem vek tawh thu sawiin Fisheries Department chuan First leh Second Installment te an sem zawh tawh thu report an pe bawk. A.H. & Vety Department chuan Ist Phase an sem zo tawh a, Horticulture Department chuan First Phase sem zo tawh in Second Phase Final an la pe thei rih lo a ni.

P.H.E. Department pawhin Saiha khawpui chhung mipuite chawm tura Tuitlawk atanga Pump hmanga tui lak hna kal mek report an pea, hna hi chak taka kalpui mek a nih thu an sawilang bawk. Power & Electricity Department te pawhin Power kan neih that loh chhante sawifiahin kumtina kan hmachhawn thin a nih thu sawiin an hmalakna hrang hrang te pawh an sawi lang bawk a ni. Public Work Department chuan PMGSY hmanga an hnathawh Stage-I pakhat leh Stage-II panga an zawh tawh thu tarlan ani. Education Department pawhin RMSA hmangin Saiha District chhung khaw pasarih ah School In sak a ni a, pahnih hi zawh tawh niin panga sak mek a ni thu report an pe bawk. Health & Family Welfare Department chuan Infant Mortality Rate (IMR) tihniam tura theitawp chhuaha hma an lak thu an sawi a, Social Welfare Department chuan National Social Assistance ( NSA ) an sem thin thu report an pe a, Industry Department chuan Training Centre pathum an neih thu leh kuminah hian Trainees mi 25 an awm thu leh thlatin Stipend Rs. 500/- an pek thin thu report an pe bawk a ni.

Printing & Stationary Department pawhin an harsatna tawh hrang hrang te an sawilang a, Supply Department chuan Saiha District ah Supply Centre 80 a awm thu leh tun dinhmunah Buhfai Stock a tha thawkhata fur ruahtui tlak hma ngeiin Thingtlang kilkhawr zawkah te Buhfai hi atam thei ang bera Stock an tum thu an sawi bawk. Principal, DIET chuan Zirtirtu an indaihlona leh an harsatna hrang hrang te meeting ah hian a thlen a ni. He meeting ah hian MADC lam aiawhte pawhin thu sawiin Department 29 awmin Department 2 chu function ala nih rihlo thu an sawi bawk. Meeting ah hian Saiha District chhunga Department hrang hrang hotute an kal kim hle a ni.