Vawiin khan DC Conference Hall, Mamit-ah District Bawrhsap Pi Lalbiaksangi hovin Mizoram Larsap-in Mamit a tlawh huna dawnsawn dan tur leh thu pawimawh dang sawrkar official te leh NGO leh khawtlang hruaituten an sawi ho.

Vawiin Meetingah hian February thla tira Mizoram Larsap-in Mamit District a tlawh tur chungchanga lo hmuah dan tur te sawiin, chanvo hrang hrang in sem a ni a. Hei bakah hian March ni 4 a Mizoram Sorkarin chapchar kut hman tura a duan angin Mamit-a hman dan tur relin. Organising Committee Addl D.C Pu H. Lianzela kaihhruai turin din a ni a, Committee hian Programme kimchang an duang ang. Vawiin meeting-ah hian February 11 leh 12 ah Mamit-in NEZCC huaihawta North East Cultural meet a thlen tur thu tarlan niin, mikhual thlen dan tur leh hmalak dan tur te sawiho a ni a, He cultural meet-ah hian North East state dang atangin troop 5 an lo tel theih beisei a ni.