2847/2024-2025

Siaha the 5th November 2024: District Bawrhsap Pu VL Hruaizela Khiangte kaihhruaina hnuaiah vawiin khan DC Mini Conference Hall, Siaha-ah a vawikhat nan District Agriculture Marketing Committee (DAMC) an thukhawm.

Vawiin thutkhawmah hian Mizoram Sawrkar flagship programme ‘Bana Kaih’ hnuaia thlai thar thlan-Aieng, Hmarcha, Sawhthing leh Hmunphiah te hralhchhuahna buaipui tura din District Agriculture Marketing Committee (DAMC) mawhphurhna leh leh hmachhawp hrang hrang sawi ho a ni a. Lo neituten an thlai thar chhuahna hmun atanga an dahkhawm lailawkna hmun (Primary Collection Centre) tur te, Primary Collection Centre atanga a leitu tur te nen an in tawhkhawmna tur (Secondary Collection Centre) hmun hma tur te an sawiho a, transportation cost ngaihtuah chungin hmunhma (collection centre) thlan ni se tih te an rel a ni. Hand Holding Policy hnuaia Society 55 din tawh te chu thlai thar hralhchhuah dan tur kalphung leh a nihna hrilhhriat hmasak phawt a tul thu te leh Search team din chungchangte an sawiho bawk a ni.

Vawiin thutkhawm chuan Primary Collection Centre leh Secondary Collection Centre tur te Agriculture Department leh Horticulture Department bakah District administration te nen tangkawpin lo identify se tih a rel a, Collection Centre atanga lei tu tur agent-te chu DC Office ,Siaha-ah in report tura hriattir thuai ni se a ti bawk a ni. District Bawrhsap bakah District Agriculture Marketting Committee member-te an Kalkhawm a ni.