Vawiin chawhma dar 11  khan District Court Champhaia "Children's Room" siam thar chu Pu R.Vanlalena, Additional District and Session Judge-in a hawng.

Pu R.Vanlalena chuan naupangte dikna chanvo humhalh chu tunlaia fashion thar ber a ni a. Naupangte venhim leh tha taka enkawl leh an dikna chanvo pek hi Sawrkar pawhin a tum tlat a ni, a ti a. Naupangte dikna leh chanvo venhim leh humhalh kawnga Social Welfare Department hmalakna chu fakawm a tih thu a sawi bawk a ni.

Childre’s  Room hawnna programme hi Pu Lalnunmawia, JJB Member-chuan kaihruaiin naupangte'n an dikna chanvo an neih zel theih nana sawrkar hmalakna lawmawm a tih thu leh District Child Protection Unita thawkte inpekna leh Court-a hotute ruahmanna fakawm a tih thu a sawi a. Pi R. Lalrinchhani, District Child Protection Officer-in report a pe a. Pu Lalsangthanga, CWC Member-in tawngtaina hun a hmang bawk a ni.

Children's Room hi naupang court-a inlan ngai thinten chawlh hahdamna an lo neih theihna tura siam a ni a. Puitling dang nena in chim buai lova an awm theihna tura ruahman a ni a. He room-ah hian naupang thut hahchawlhna nuam tak siam a ni a. TV entur leh lehkhabu naupang chhiar tur leh toys thlenga dah a ni.