Vawiin chawhma khan Mizofed Dawr kawt, Venglai , Lunglei ah District Sport & Youth Officer, Lunglei buatsaihin Lunglei khawchhung thenfai Swachh Bharat Abhiyan(Cleanliness Drive) hnatlang, NSS,NCC,Scout & Guide,NYK leh Sport Association hrang hrang ten an nei. Lunglei 'W' bialtu MLA Pu Chalrosanga Ralte chuan khuallian niin Lunglei khawchhung thenfai hnatlang hi a hawng.

Lunglei khawchhung thenfai hnatlang hawnna  inkhawm hi Pu C. Lalremsanga,District Sport & Youth Officer, Lunglei in kaihruaiin khuallian Pu Chalrosanga chuan District Sport & Youth Officer, Lunglei hmalakna in College, Higher Secondary, High School hrang hrang NSS, NCC, Scout & Guide leh Sport Association te thawhhona a Lunglei khawchhung thenfai hnatlang an nei hi fakawm a ti a. Faina hi Pathian anna a ni a, in, veng, khua leh ram  thianghlim kan duh chuan fai a ngai a ni a ti. Zirlai naupang ten faina kawnga hma in la hi a ropui a, nakin zela in hriselna leh nun vawng faitu ni turin ka duh a ni, a ti a. Lunglei faina kawngah hian mitinin mawh kan phur theuh a, a ti  baltu nilovin a ti faitu ni theuh turin a chah ani. He faina hnatlang hi a tawpna nilovin a bul tanna ani ati.

Pu R. Lalrochama,Associate Professor Govt. College, Lunglei in lawmthu sawina hun a hmang bawk.

Cleanliness Drive-ah hian Lunglei khawpui chhung hmun pawimawh tuam chhuakin  thenfai hna thawh  ani. UD&PA Department in Bawlhlawh paih motor 2 leh ei leh in tur an tum a ni.