2408/2022-2023
Aizawl the 23rd October, 2022 : Regional Meteorological Centre, New Delhi leh State Meteorological Centre, Govt. of Mizoram in a tihchhuah angin Bay of Bengal chhim chhak lama cyclone insiam mek chuan Mizoram chu October 25, 2022-ah thli in a hrut ve thut theih ah dah a ni a, October 25, 2022 hian darkar khata kilometer 45 - 65 vela na in thli hi thawk tura ngaih a ni.
He cyclone avang hian October 24, October 25 leh October 26, 2022 ah te hian ruah tam tak sur thei a ni bawk.
Cyclone chungchangah hian mipuite chiai lo turin kan inhriattir a, amaherawhchu mipuite cyclone thleng thut palh thei leh chhiatna thleng theite laka fimkhur turin leh inkaihhruaina te hi zawm turin kan inngenin kan inhriattir ni.
1. Mahni in leh lo te thli leh ruah a dawl theih nan a tul anga thawm that ngai lai te thawm that tur a ni. Tui paihna leh tuihawk luan kawr te mumal taka siam/thenfai tur ani.
2. Mahni in leh a velah leimin hlauhawm a awm a nih a chuan silpaulin/ tarpaulin a khuh that tur ni.
3. Thing leh mau, thli in a len tluk mai theih, electric wire delh mai theih te chu kih/ a zar thlak tur ni.
4. Thlipui leh ruah vanga eng (current) neih loh theih anih avangin electric hmang thil te in 'charge'lawkin, eng awm loh palha eng chhit tur kan in ruahman lawk tur ni.
5. Khualzinte tan kawng laka chhiatna thleng thei palh ah, tui thianghlim leh eitur in ruahman lawk theih a tha.
6. Lui leh tui hmun ah te kal loh a tha.
7. Thu dik tawk lo leh belhchian dawl lo thehdarh loh tur a ni a, lo theh darh an awm DM Act-2005 hnuaia hremna dan ziak angin an chungah action lak a ni ang.
Khuarel chhiatna a lo thenin District Emergency Operation Centre, toll free number - 1077 hi engtik lai pawha biak pawh theih a ni a, engemaw vanga line tlang thei lo a nih pawhin mahni bialtu Zonal Officers te hnenah chhiatna then thu hriattir thuai tur ani.
