2303/2023-2024

Hnahthial the 13^th October 2023: District Election Office, Hnahthial chuan vawiin khan Systematic Voters’ Education & Electoral Participation (SVEEP) campaign kal zelah Hnahthial District SVEEP Nodal Officer, Pi K Ngosai hovin Govt. Hnahthial College Auditorium-ah college zirlaite tan essay writing competition an huaihawt.

DEO Office leh Govt Hnahthial College tangkawp buatsaih competition hi college zirlaite tana buatsaih a ni a, thupui atan “Democracy a vote thlak pawimawhna” tih hman niin college zirlai thahnem takin an in ziahsiak a ni. Result hi karleh thawhtan ni 16 ah puan tur niin lawmman chu a hnuai ang hian ruahman a ni.

1)      First prize- Rs 3,500/-

2)      Second prize- Rs 2,500/-

3)      Third prize- Rs 1,500/-

4)      Consolation prizes- Rs 500/- each for 3 students.

Vawiina buatsaih Essay Writing competition hi thalaite leh zirlaite-ah vote thlak pawimawhna an hriatchian lehzual theih nan a buatsaih a ni a, kumin inthlanpui lo thleng turah 29-South Tuipui Assembly Constituency huam chhunga vote tla chu inthlanpui hmasa aia a tam theih nana beihpui thlakna niin rah tha a chhuah ngei beisei a ni. Zirlai 60 chuangin essay hi inziahsiak in hun hlawkthlak tak an hmang a ni.