Lok Sabha Inthlanpui (General Election) chu April 11, 2019 hian kan hmachhawn leh dawn ta reng mai a. He Inthlanpui lo awm tur atan hian inbuatsaihna pawh ngawrh takin a kal mek a ni.
 
India khua leh tui zawng zawng ten India Ram Danpui (Constitution) hnuaiah Dikna leh Chanvo kan nei a. Heng dikna leh chanvo (Rights) te hi Sorkar kut leh ke hrang hrang hmang a humhalhsak kan ni. Heng zinga pawimawh ber pakhat chu Universal Adult Franchise (India khua leh tui dik tak, kum tling tawhte tana Inthlanna a vote an thlak theihna) chanvo hi a ni. Hemi humhalh tur leh chanvo neituten an chanvo an chan ngei theih hi Election Commission of India duh dan leh tuM ber pawh a ni.

Chumi bawhzuina atan chuan Election Commission of India in Universal Adult Franchise chanvo nei zawng zawngte tan ram hruaitu turte inthlanna a buatsaih dawn a. Hemi atan hian India khua leh tui, kum 18 tling tawh zawng zawng te Electoral Roll-a inziak lut tura ngen an ni. PVC EPIC I dawng tawh anih chuan electoral roll-ah i hming ziahluh a ni tawh tihna a ni. Chuvangin, Lok Sabha inthlan April 11, 2019-a neih turah hian vote thlak ngei turin ka ngen a che. Vote thlak hi India khua leh tui kan nih anga kan chanvo leh mawhphurhna a ni.

 “RAM KALSIAM TURIN RAWN PENCHHUAK VE RAWH LE”