Vawiin August ni 16, 2013 hian Pu V. Lalremthanga IAS District Bawrhsap District Election Officer Mamit District chuan a Office Chamber-ah Mamit District chhunga Vote nei zat a puang chhuak.

Pu V. Lalremthanga IAS District Election Officer, Mamit District chuan Special Summary Revision Of Electoral Roll, kan buaipui mek laiin AERO panga hmun dangah sawn an nih avangin a hun takah Final Roll peih hman loh an hlauh thu sawiin a hun taka peih hman a lo ni ta hi thawktute thawhrimna rah a ni tiin thawktute chungah lawmthu a sawi a. Tunah hian khawl that tawk lohna avangin Political Party hruaitute hnenah a Soft Copy a an pek hi lo hrethiam turin Party hruaitute a ngen bawk.

Tuna Mamit District dinhmun chu hetiang hi a ni. Draft Roll-ah Voters 55432 awmin Form 6 hmanga thunbelh dil zat hi mi 5421 an ni a, thun belh zat chu mi 2333 niin Roll-a awm tawh, pem, thi etc paih zat 992 an awm bawk a ni. Roll-a thun belh zat chu mi 1341 an ni a, tichuan District chhunga Votes nei zat chu mi 56773 an ni. Punna rate hi 2.42 percent a ni.

He Electoral Roll 2013 Final puanchhuahna hunah hian Political Pary hrang hrang hruaitute District chhunga ERO, AERO te bakah thuthar thehdarh tute an tel a ni.