Vawiin khan Minister Pu PC Lalthanliana’n Tawipui South khua leh a chhehvel khaw sawm-ah NLUP a sem a. Line Department hrang hrang pasarih ten NLUP thawhhnihna IInd Installment an sem hi a vaiin cheng 10,083,044 a tling.

Pu PC Lalthanliana chuan mirethei, kuthnathawktute tan kawl a eng mek a, sorkar chu mipui te din a nih ang ngeiin mi harsa zawkten leirem an rah theih nan NLUP kaltlangin hna a thawk mek a, a thawk zel dawn, a ti. NLUP sum an dawn te hi nawmchenna tur ni lovin nakina a rah hlimawm an seng theih nan rim taka thawk turin kalkhawm te a fuih a. Thil tul lo leh ho mai maia an sum dawn te hmang lova, fing taka hmalam hun thlir rana tangkai taka an sum te hmang turin a chah a ni.

Trade hrang hranga beneficiaries 427 te hnenah line department pasarih kaltlangin NLUP hi sem a ni.