Vawiin khan DC Conference Hall, Mamit-ah Pu Vanlalngaihsaka, District Election Officer/District Bawrhsap hovin Mamit District Level Standing Committee on Election thukhawm a ni.

Vawiin thutkhawmah hian Mamit District chhunga Polling Station 116-ah Assured Minimum Facilities (AMF) a awm theihnana hmalak dan tur sawiho a ni a. Polling Station-a Electrict awm lote awm theihnan P&E te nen hmalak ni se tih niin, hei bakah hian tui Connection leh inthiarna awm lohna ah pawh PHE Department hotute nen hmalak ni se tihte rel a ni bawk. 

Meeting hian Tuipuibari polling station atana ruat tawh chu leitlahniam a vanga harsatna  vangin sawn ni se tih a ni a, Salvation Army School chu Tuipuibari Polling station atan a remchan thu ngaihthlak niin  thuneitu hnenah sawn tura rawtna thlen ni se meeting hian a ti a. Rengdil Polling Station tur atana ruahman,  la sak zawh loh chu sak zawh hman ngei tum niin, Polling Station atan hian peih hman a nih loh chuan remchang dang dap ni se tih a ni bawk.

Meeting-ah hian Mamit District chhunga Political Party hrang hrang, tlawmngai pawl hrang hrang aiawh, Election kaihnawiha Nodal Officer te an tel a ni.