Vawiin khan NLUP Conference Hall-ah Election Commission of India (ECI) hmalakna in State Election Department te chuan district tina Bawrhsap, District Election Officer ni bawk te leh an hnuaia Election Officer te tan " Workshop on First Level Checking of EVMs and VVPATs for DEOs/Dy.DEOs" an buatsaih a. He Worshop-ah hian ECI official te leh EVM leh VVPAT khawl siamtu company Electronic Corporation of India Ltd(ECIL) hotuten khawl chungchangah zirtirna an pe a ni.

Mizoram Chief Electoral Officer Pu SB Shashank chuan Election kaihhnawih thila training chu official takin vawiin atang tan a ni a, training a awm chho mawp mawp tawh dawn a; ECI inkaihhruaina fel fai tak angin training leh workshop te neih a ni chhunzawm ang a ti. CEO  chuan elction official te chu inthlahdah lo tur leh training-ah rilru pe tura chahin, Election kaihhnawih thil reng reng chu inthlang ramah chuan thil pawimawh bik a nih angin  election official te leh election thila official inthlahdahte chu ECI chuan a thunun thin a fim khurtlan a tha hle ang a ti. 

Election Official te puala Workshop hi Jt CEO Pu Zorammuana'n a kaihruaia, Technical Session-ah Pu Suman Kumar Das, Secretary, ECI leh a thawhpui ten State election official te  zirtirna hun an hmang a ni. Aizawl DEO Dr A.Muthamma, Saiha DEO Pi Harleen Kaur, Mamit DEO Pu Bhupesh Chaudhary,  Serchhip DEO Pi Sangchhin Chinzah leh Champhai DEO Pu Vanlalngaihsaka te bakah District tina Election Officer ten VVPAT leh EVM First Level Checking Workshop hi an chhim a ni.