Assam Rifles buatsaihin vawiin khan AR Ground, Aizawlah Healthy Mizoram Campaign khar a ni.

He huna khuallian ICFAI University Vice Chancellor Lt.Gen.AK Mishra (Retd.) chuan Assam Rifles te hmalakna fakin hrisel taka nundan mipuite zirtirna kawnga an hnathawh, a bik takin thingtlang kilkhawr zawka chengte tana an hmalakna tha a tih thu he hunah hian a sawi a ni. 

Mizoram Governor kalchhuak ta Lt.Gen.Nirbhay Sharma khan kum kalta June ni 21-ah Healthy Mizoram Campaign hi a hawng a. He campaign in a tum ber chu taksa insawizawina leh mahni taksa inenkawl ulukna hmanga hriselna inzirtir a ni a. Assam Rifles hian hmun hrang hrangah seminar, medical camp, blood donation camp, drug leh AIDS awareness campaign leh hriselna kaihhnawih programme dangte an buatsaih a ni. 

Rashtrapati Bhavan, New Delhi atanga lo kal Naturopathy & Neuropathy Expert Pu Ram Gopal Dixit bakah Assam Rifles mi leh sa te, NCC cadet te, sawrkar department thenkhat aiawh te, zirlai te leh tlawmngai pawl te pawh he hunah hian an tel a ni.