Mizoram-a a vawi khatna atan Mizo Hnahthlak International Cultural Festival cum Mizo Culture Organisation Silver Jubilee lawmna chu July ni 5 khian R.Dengthuama Hall, Aizawl ah neih a ni dawn a. Hemi chungchanga inpuahchahna te hi vawiin khan NIB Secretary Pu James Lalrinchhana office ah thlir ho a ni a, he thukhawmna hi Art and Culture Director Pu Hmingthanzauvan a ho a ni.

Mizo Hnathlak International Cultural Festival hi ram hruaitu lu Chief Minister Pu Lal Thanhawla, Home Minister Pu R.Lalzirliana, Art and Culture Minister Pu R.Romawia leh NIB Chairman Pu JH Rothuama ten an hmanpui dawn a, ruahman lawk dan chuan Mizo Hnahthlak hnam hrang hrang Mara, Lai, Bawm, Pang, Hrangkhawl, Hmar bakah Tripura, Shillong, Cachar, Halflong leh Tahan atangin Mizo Hnahthlak te an rawn tel dawn a ni.