3462/2022-2023

Dated Lunglei, the 2nd February, 2023: Vawiin khan Mizoram hmun hrang hrangah a rualin Lirnghingin chhiatna nasa tak a thlen avanga chhanchhuahna hna thawh dan tihchhinna "State Level Mock Exercise on Earthquake Disaster" buatsaih a ni a. Lungleiah pawh hei hi neih ve niin Lirnghing na takin Lunglei a sawi vanga khaw chhung hmun pangaa chhanchhuahna hna thawh dan tur tih chhin a ni.

Zing dar 10 ah chhiatna thlen hriattirna Disaster alarm tiriin mock exercise his bultan a ni a. Chhiatna thlen thu an hriatin Incident Response System hnuaia mawhphurtu officer te (Responsible Officer) leh Incident Commander ten District Emergency Operation Centre (DEOC) (DC Office) an pan khawm nghal a, DEOC hi tihnun nghal niin anni hian chhanchhuaktu pawlte, chhiatna thlenna hmun hrang hranga chhanchhuahna tur an mamawhte an lamkhawmin an buatsaih zui nghal a ni.

Vawiinah Mock Drill ah hian hmun panga heng ; 2nd Bn MAP School, 2nd Bn MAP Office, MAP Hospital, Luangmual residential area leh 3 gate bazar-ah te chhiatna thleng anga tihchhin a ni a, District Disaster Management Plan in a kawhhmuh angin chanvo neitu hrang hrangten an mawhphurhna te an thawk a ni.

He mock exercise atan hian Incident Commander 5, Site Observer 5 leh Head Observer 1 ruat niin, line department hrang hranga thawktute, DM&R Quick Response Team (QRT), Aapda Mitra, khawtlang hruaitu leh YMA ten mawhphurhna hrang hrang lain, mahni mawhphurhna theuhte a tha thei ang bera hlen chhuak turin theih tawp an chhuah hlawm a ni.

Mock Drill neih zawh hnu hian Chairman DDMA Lunglei Pi Ramdinliani kaihhruaiin a office chamber-ah thlirletna neih a ni a. Mock drill kalpui chungchanga an hmuh dan te, chhiatna a taka hmachhawn thei tura inzir belh tul te, mawhphurna nei hrang hrangte an thawhho that zawk theih dan turte leh thil pawimawh dangte an sawiho a ni.

Hemi hnu chawhnu dar 2:45 ah Disaster Management & Rehabilitation Minister Pu Lalchamliana hovin thlirletna leh sawihona Debriefing Session Video Conferencing kaltlanga neih chhunzawm a ni.