No.7294/2020-2021
Vawiin khan District Jail, Mamit-ah Mizoram KVI Board, Mamit District leh Committee on Skill Development and Vocational Training of District Jail, Mamit te  ruahmanna-in Skill Development training neih a ni.

Skill Development training-ah hian Bee Keeping leh Liquid Soap, District Jail-a awm mekte tan neih a ni a. Training hi mi 56 te'n an nei a ni.

Training hawnna hunah hian Pu C. Vanlalruata, Dy.CEO/DVIO, Mamit chuan Sawrkarin a ngaihpawimawh avanga District Jail-a awm mekte tana training buatsaih a nih thu a sawi a, kan thiamna chu midangte laksak theih tawh loh a nih avangin uluk leh theihtawpchhuaha training nei a, hun lokal lehzel tur atana chhawr tangkai tham thiamna paw chhuak ngei tura training turin a chah a ni.

Pu Lalbiakdika, Jail Superintendent/ Secretary Committee on Skill Development and Vocational Training Mamit pawhin District Jail, Mamit te tana kutthemthiamna thil nakin hnu zel pawha chhawr zui theih tur training buatsaih a ni chu lawmawm a tih thu a sawi bawk.

Vawiina District Jail, Mamit Skill Development training buatsaihah hian Liquid Soap making hi Pu Vanlallura, Instructor (NEO Soap), MKVIB leh Bee keeping hi Pu Lalsawmliana Sailo, Economics Investigator, MKVIB te chuan zirtirna an nei a ni.

Vawiin training-ah hian Liquid soap siam zirna hmanrua bakah khuai bawm 6 leh khuai khawi nana hman chi kutkawr, lukhum leh lehkhabute District Jail, Mamit tan hian hlan nghal an ni bawk.

District Jail tana Skill Development training neih hi, District Level Committee on Skill Development & Vocational Training for District, Dr. Lalrozama, IAS, District Bawrhsap hova neih bawhzuina niin vawiin hian mi 56 te'n training neiin a tul dan azirin training hi kalpui chhunzawm a ni ang

Attachment

  • Loading attachment...